Kada karasaan umurku tuha banar sudah parak kapala tiga sudah, apalagi nang di hadang kaya aku nih..??
Tapi dasar nasib, dasar balum ada jodoh, sudah haja berusaha mencari, tapi keadaan balum mandukung...
Handak haja lakas mambahagiakan kuwitan supaya jangan talalu supanan, bisi anak bibinian tuha banar sudah tapi balum kawin-kawin jua...
Marasa haja pang aku ne manyupani kuwitan haja lawan statusku nang masih malazank kaini...
Kakaku nang hitungan lalakian gen sudah babini pas umurnya 20-an, tapi ujar umaku, aku nang bibinian parak 30-an sudah kadada ha lagi cagarnya tapalaki...
Kacewa banar aku lihat mamaku tu, apa lagi bibinian urang banjar ne, mun inya nang tamat SD haja gen bila kada sakulah lagi, apalagi salain balaki gaweannya, nang masih sakulah haja gen bilang hakun ba'ampih inya asal lakas balaki...
Jadi nang binian kawa sampai kuliah kada sing lakian tu bilang ngalih banar di wadahku ne mancarinya, nang banyak sambil kuliah sambil balaki jua inya...
Ada aku ne apalagi, sakulah sudah kada, apalagi kuliah nyata ai sudah kada, saban hari di rumah haja ungut-ungut kadada kawan jua gasan bagayaan di rumah...
Apalagi bila masuk kamar kadada kawan babanaran, paling buka radio, atau online, mandangarakan lagu-lagu, itu pang gawean bibinian nang balum balaki nich, sabalum ngantuk chattingan hulu satumat, hanyar kada karasaan taguring akhirnya...
Bila ku duduk ungut-ungut di toko pas urangnya kadadaan ada malihat kawan bakas sakulahan bahari, pina layak inya pander wan lakinya, rasa bahiri jua pang mun sapintas bapikirnya, tapi aku kada bulih syirik, rajaki aku dalam hal tingkatan status balum lagi, jadi kada kawa ai...
Pas malihat kakawanan ma'atar anaknya nang sakulah TK wan SD, ai sangkaku, jakanya aku banasib kaitu jua, apalagi nang kusasahi, rasa cukup sudah kabahagiaanku...
Tapi aku bulikakan pulang, rajaki aku balum ada lagi...
Tuhan balum mambari aku rajaki bisi laki, tapi Tuhan sudah mambari aku rajaki mangumpulakan duit, biar sadikit-sadikit aku kumpulakan, nang panting kawa aku tabung, aku bapikir bisi laki sudah kadada, Alhamdulillah aku ada bisi gawean, jadi ada jua nang kujumput-jumput kaina bila aku lagi parlu apakah...
Aku jua bapikir kuwitan sudah tuhaan, balaki sudah kada, kayapa seandainya usaha kuwitanku kadada nang manarusakannya kalau sayang amun di sia-siakan haja...
Wayah apakah aku balaki, aku jua kada tahu jawabannya, entah kainanya adakah nang handak manjadiakan aku bini atau kadada nang handaknya kah..?? Ngalihai sudah nasib ta'andak kalah saurang kaini, di tarima ai sa'adanya...
Amun ma'ujarakan panasaran handak nang kaya urang jua, bilang kada kasudahannya pang...
Handak banar jua nang kaya urang tu, hidup barumah tangga saurang, tp han... Aku muyak dah nahhh... Sudah nasib teh kada kawa ai...
Berusaha sudah haja jua, tapi kadada tatamu haja lagi...
Pabila kah kena tatamunya wan jodohku saurang, tampulu kuwitan masih hidupan saharusnya aku balaki fank... Kada kawa ai han tasambat pulang am nah...
Hahari urang ha nang kawin, napa saurang nih kalaluan tarus, dasar taunk-ut zua nah....
Biar harapan tipis, rasa kadada harapan lagi jar urang tu...
Tapi tatapai aku baharap jua, mudahan kaina aku balaki jua nang kaya urang jua...
Amieennn....!!!
By L-169
